Avokati Azem Vllasi ka diskutuar për mundësinë e kandidimit të presidentes Vjosa Osmani për një mandat të dytë në një intervistë në emisionin “Mesditë” në Tëvë1.
Ai theksoi se kritikat e opozitës ndaj Osmanit janë më shumë të lidhura me qëndrime politike dhe inate personale sesa me performancën e saj si presidente. Sipas Vllasit, opozita e ka të vështirë të dallojë qëndrimet e saj ndaj Osmanit nga ato ndaj kryeministrit Albin Kurti, me të cilin ajo ndan histori të përbashkët politike.
Ai vuri në dukje se, megjithëse Osmani dhe Kurti janë nga parti të ndryshme sot, ata kanë një të kaluar të përbashkët politike. Vllasi nënvizoi se gjatë katër viteve të fundit, Osmani dhe Kurti kanë bashkëpunuar mirë në detyrat e tyre institucionale.
Ai tha se presidentja nuk ka qenë e varur nga Qeveria dhe ka bërë kritika ndaj saj kur është e nevojshme. Sipas tij, diskutimi për një mandat të dytë të presidentes duhet të fokusohet në performancën e saj institucionale dhe jo në polemikat politike.
Leave a Reply