Presidentja e Kosovës, Vjosa Osmani, zhvilloi një bisedë me Dame Karen Pierce, përfaqësuesen e Mbretërisë së Bashkuar për Ballkanin Perëndimor, ku diskutuan për zgjedhjet e fundit lokale të mbajtura të dielën në Kosovë.
Gjatë këtij takimi, Osmani informoi Pierce për ndërhyrjet e paligjshme të Serbisë në procesin zgjedhor të 12 tetorit, duke theksuar se kjo sjellje destabilizuese kërkon një reagim të qartë dhe të bashkuar nga partnerët ndërkombëtarë. Përveç zgjedhjeve, bisedimet u fokusuan edhe në formimin e qeverisë së re dhe axhendën strategjike të përbashkët ndërmjet Kosovës dhe Mbretërisë së Bashkuar.
Osmani vlerësoi profesionalizmin e institucioneve të Kosovës dhe përkushtimin e qytetarëve ndaj demokracisë në këto zgjedhje. Ajo theksoi rëndësinë e bashkëpunimit të mëtejshëm për të forcuar marrëdhëniet mes dy vendeve.
Leave a Reply