Presidentja Vjosa Osmani ka theksuar rëndësinë e integrimit të Kosovës në NATO dhe Bashkimin Evropian gjatë një fjalimi në Aspen Institute në Berlin.
Ajo e përshkroi këtë si një synim të qartë dhe një interes strategjik për rajonin dhe aleancën euroatlantike në tërësi. Gjatë fjalimit të saj, Osmani vuri në dukje se Kosova ka përqafuar reformat dhe zbatimin e tyre si shtylla kryesore për zhvillimin dhe konsolidimin demokratik të vendit.
Ajo theksoi se ky është drejtimi i vetëm për të ardhmen e Kosovës. Osmani nënvizoi se aspiratat e Kosovës për t’u bërë pjesë e NATO-s dhe BE-së nuk janë thjesht dëshira por përfaqësojnë një interes të përbashkët që ndikon në stabilitetin e të gjithë rajonit.
Në këtë kontekst, integrimi i Kosovës do të kontribuojë në forcimin e lidhjeve dhe bashkëpunimit brenda aleancës euroatlantike.
Leave a Reply