Presidentja e Kosovës, Vjosa Osmani, u takua sot me raportuesin për Kosovën në Parlamentin Evropian, Riho Terras, ku u diskutuan zhvillimet politike aktuale.
Gjatë bisedës, Osmani theksoi se zgjedhjet lokale u zhvilluan me qetësi dhe demokraci të plotë, me një transferim pushteti paqësor. Ajo shprehu shqetësimin për vijimin e masave të BE-së ndaj Kosovës, duke i cilësuar ato të padrejta dhe të pakuptueshme, pavarësisht bashkëpunimit të mirë me partnerët evropianë.
Presidentja kërkoi nga Terras mbështetje për heqjen e këtyre masave, pasi ato dëmtojnë qytetarët dhe procesin e integrimit. Osmani theksoi rëndësinë e përshpejtimit të procesit të anëtarësimit të Kosovës në BE, bazuar në merita.
Ajo gjithashtu prezantoi të dhëna që tregojnë performancën e lartë të Kosovës në fusha të ndryshme, duke nënvizuar se heqja e masave do të dërgonte një mesazh pozitiv për qytetarët dhe reformat e ardhshme.
Leave a Reply