Presidentja e Kosovës, Vjosa Osmani, ka shprehur urimet e saj për Ditën e Çlirimit të Sirisë, duke theksuar lidhjet historike mes dy popujve që kanë përballuar shtypjen dhe luftën për liri.
Në një mesazh të dërguar për këtë përvjetor të parë historik, Osmani nënvizoi se kjo ditë simbolizon jo vetëm lirinë, por edhe rilindjen e shpresës së popullit sirian. Viti 2025 shënoi një moment të rëndësishëm me njohjen reciproke midis Kosovës dhe Sirisë, duke hapur një kapitull të ri bashkëpunimi.
Presidentja Osmani deklaroi se Kosova është e përkushtuar të punojë ngushtë me Sirinë për një të ardhme më të drejtë dhe të sigurt. Ajo theksoi se popujt e të dy vendeve ndajnë një histori të përbashkët të sakrificave dhe qëndresës.
Përmes këtij mesazhi, Osmani siguroi popullin sirian për mbështetjen e vazhdueshme të Kosovës, duke e cilësuar këtë partneritet si një lidhje morale dhe simbol të miqësisë së qëndrueshme. “Nga Prishtina në Damask, zemrat tona rrahin si një e vetme,” përfundoi ajo, duke uruar për Ditën e Çlirimit.
Leave a Reply