Presidentja e Kosovës, Vjosa Osmani, zhvilloi një takim në Uashington me zëvendëssekretarin amerikan të Shtetit, Christopher Landau.
Ky takim u mbajt të hënën, siç konfirmoi Departamenti amerikan i Shtetit në një deklaratë zyrtare, megjithëse nuk u ofruan detaje për temat e diskutuara. Ky nuk është takimi i parë mes Osmanit dhe Landau, pasi ata u takuan edhe në korrik ku diskutuan mundësitë për bashkëpunim ekonomik mes dy vendeve.
Fushat e përmendura për bashkëpunim përfshinin energjinë, teknologjinë informative dhe mbrojtjen. Raportet mes Kosovës dhe SHBA-së kanë hasur sfida, veçanërisht pas vendimit të Uashingtonit për pezullimin e dialogut strategjik të planifikuar, për shkak të shqetësimeve mbi veprimet e qeverisë kosovare në atë kohë.
Në të kaluarën, veprimet e kryeministrit Albin Kurti në veri të Kosovës kanë shkaktuar kritika ndërkombëtare, megjithëse ai i ka justifikuar si përpjekje për të forcuar sundimin e ligjit. Amerika mbetet një partner i rëndësishëm për Kosovën, duke ofruar mbështetje të konsiderueshme financiare që nga viti 1998.
Leave a Reply