Pamje nga mbledhja e parë e PDK-së nën drejtimin e Hamzës

Kryetari i ri i Partisë Demokratike të Kosovës (PDK), Bedri Hamza, zhvilloi sot mbledhjen e tij të parë në këtë rol me kryesinë e partisë.

Gjatë këtij takimi, vëmendja u përqendrua te strategjitë për zgjedhjet dhe çështjet e tanishme politike në vend. Hamza ndau imazhe nga mbledhja, duke theksuar përkushtimin e PDK-së për të rikthyer normalitetin dhe stabilitetin në Kosovë, si dhe për të rindërtuar besimin në institucionet shtetërore.

Ai nënvizoi rëndësinë e bashkëpunimit për të arritur këto qëllime. “Me 28 dhjetor, së bashku hapim një kapitull të ri drejt ndryshimeve të pritura”, u shpreh Hamza, duke theksuar angazhimin për riorganizimin e partisë në përgatitje për zgjedhjet e ardhshme.