Çdo parti që siguron mbështetjen e 61 deputetëve në Kuvend ka të drejtën të propozojë kandidatin për kryeministër dhe të formojë qeverinë, ka deklaruar një zyrtare në Debat Plus.
Ajo shpjegoi se kur një parti siguron votat e nevojshme dhe informon presidenten për emrin e mandatarit të propozuar, atëherë i jepet mundësia për të krijuar qeverinë e re. Pas datës 5 nëntor, nëse një kandidat pretendon se ka mbështetjen e 61 votave, Kuvendi është i detyruar të thërrasë një seancë për votim.
Në këtë seancë duhet të votohet për formimin e qeverisë. Duke komentuar mundësinë që Albin Kurti të paraqitet sërish për formimin e qeverisë, ajo theksoi se Kurti mund të propozojë një kandidat të ri, por duhet të sigurojë dëshmi të qarta se ka mbështetjen e 61 deputetëve.
Presidentja Vjosa Osmani ka kohë deri më 5 nëntor për të vendosur nëse do të shpallë zgjedhje të reja apo do të mandatojë dikë për formimin e qeverisë.
Leave a Reply