Nëse në Kosovë organizohen zgjedhje të jashtëzakonshme, Partia Demokratike e Kosovës ka vendosur të paraqitet sërish me Bedri Hamzën si kandidat për postin e kryeministrit.
Këtë vendim e konfirmoi kryetari i PDK-së, Memli Krasniqi, gjatë një interviste në emisionin “Rubikon”. Krasniqi theksoi se Hamza mbetet kandidati më i përshtatshëm për sfidat që priten, duke kujtuar se ai ka qenë zgjedhja e tij që prej më shumë se një viti.
Ai vuri në dukje se situata në Kosovë ka shënuar përkeqësim në fusha të ndryshme, përfshirë ekonominë, mirëqenien e qytetarëve dhe marrëdhëniet ndërkombëtare. Programi politik i PDK-së, i udhëhequr nga Hamza, vazhdon të jetë aktual, duke përfshirë plane për rritjen e pagave dhe pensioneve, uljen e kostos së energjisë, liberalizimin ekonomik dhe lehtësimin e kushteve për bizneset.
Krasniqi e përfundoi duke nënvizuar rëndësinë e këtij programi në kushtet e sotme.
Leave a Reply