Partia Demokratike e Kosovës (PDK) ka kujtuar 27-vjetorin e rënies heroike të Mujë Krasniqit, i njohur si Kapuçi, së bashku me 40 dëshmorë të tjerë të Ushtrisë Çlirimtare të Kosovës (UÇK).
Ky përvjetor përkujton betejën e 14 dhjetorit 1998 në Likenet e Hasit, ku luftëtarët e lirisë treguan guxim të jashtëzakonshëm përballë armikut. Sakrifica e këtyre 41 dëshmorëve, përfshirë edhe Komandantin e Brigadës 113, mbetet një amanet i përhershëm për lirinë dhe të ardhmen e Kosovës.
Në këtë mënyrë, PDK nderon kontributin e tyre të pashlyeshëm për vendin. Në mesin e dëshmorëve të përmendur janë edhe Mujë Krasniqi, Ali Krasniqi dhe Bashkim Krasniqi nga Klina, si dhe luftëtarë të tjerë nga Skënderaj, Drenasi, Shtime, Lipjani, Malisheva, Ferizaj, Rahoveci, Prizreni, Suhareka, Istogu, Hani i Elezit dhe Vushtrria.
Lavdi dëshmorëve të UÇK-së, të cilët dhanë jetën për lirinë e Kosovës.
Leave a Reply