Partia Demokratike e Kosovës (PDK) ka zhvilluar mbledhjen e Kryesisë së saj, ku është vlerësuar performanca e zgjedhjeve të fundit të mbajtura më 28 dhjetor.
Në këtë takim, u diskutua analiza e brendshme e procesit zgjedhor dhe rezultatet e arritura, duke u fokusuar në ruajtjen e mbështetjes tradicionale të partisë, që e renditi si forcën e dytë politike. Kryesia ka miratuar nisjen e përgatitjeve për zgjedhjet e brendshme, që do të realizohen në të gjitha nivelet organizative, nga nëndegët deri te organet qendrore.
Ky proces do të fillojë në javët e ardhshme, përmes krijimit të grupeve punuese dhe hartimit të hapave konkretë, me qëllim angazhimin gjithëpërfshirës dhe demokratik. PDK synon konsolidimin e strukturave dhe forcimin e unitetit të brendshëm për sfidat e ardhshme politike.
Përmes këtij angazhimi, partia dëshiron të vazhdojë të jetë një opozitë e fortë dhe e besueshme në interes të qytetarëve dhe Republikës së Kosovës.
Leave a Reply