Analisti politik Ylli Hoxha ka diskutuar dorëheqjen e Memli Krasniqit nga drejtimi i Partisë Demokratike të Kosovës (PDK), duke vënë në dukje se ky hap vjen si pasojë e mungesës së intuitës në raport me situatën në Drenas dhe Ramiz Lladrovcin.
Ai theksoi se udhëheqësi i ardhshëm i partisë do të ketë si detyrë rikthimin e Lladrovcit në gjirin e PDK-së. Në programin Debat Plus, Hoxha e vlerësoi periudhën e Krasniqit si kryetar, duke përmendur fitoret dhe arritjet e tij, si fitorja në Mitrovicë me kandidimin e Bedri Hamzës dhe sukseset në disa komuna në vitin 2021.
Sipas tij, këto rezultate i japin Krasniqit një largim me dinjitet nga partia. Hoxha shprehu skepticizëm për ndryshime të mëdha në PDK, por parashikoi një përpjekje për të forcuar kohezionin e munguar gjatë zgjedhjeve lokale.
Ai potencoi rëndësinë e rikthimit të Lladrovcit si një nga prioritetet e liderit të ri.
Leave a Reply