Peja triumfon në ndeshjen kundër Yllit

GO+ Peja triumfoi në derbin e javës së dytë të ProCredit Superligës, duke mposhtur Golden Eagle Yllin me rezultat 76:71 në Therandë.

Fillimi i ndeshjes ishte i favorshëm për mysafirët që krijuan një epërsi 10:2, duke përmbyllur çerekun e parë me 21:13. Megjithatë, vendasit reaguan fuqishëm në çerekun e dytë, duke kaluar në epërsi 28:27 dhe duke shkuar në pushim me avantazhin 40:35.

Pjesa e dytë e ndeshjes ishte e ngarkuar me kthesa dhe tension, ku pas 30 minutash loja qëndroi e ngushtë me rezultat 59:58 për Yllin. Në çastet vendimtare, pejanët treguan qetësi dhe arritën fitoren.

Alan Herndon dhe Malcolm Armstead ishin ndër lojtarët më të dalluar për Pejën, ndërsa te Ylli spikatën Brandon Huffman dhe Larry Thomas. Kjo fitore shënon suksesin e dytë për Pejën, ndërsa Ylli pësoi humbjen e dytë radhazi në kampionat.