Procesi i numërimit të votave nga zgjedhjet e 28 dhjetorit ka përfunduar dhe rezultatet janë në pritje të certifikimit.
Sipas Ligjit për Zgjedhjet e Përgjithshme, partitë politike kanë një afat prej 48 orësh për të paraqitur ankesat e tyre në PZAP lidhur me procesin e numërimit, në rast se konstatojnë parregullsi. Në Kuvendin e Kosovës, për legjislaturën e 10-të, Lëvizja Vetëvendosje përfaqësohet nga 52 deputetë, përfshirë figura të njohura si Albin Kurti, Glauk Konjufca dhe Albulena Haxhiu.
Partia Demokratike e Kosovës ka 21 deputetë, ndër ta Bedri Hamza dhe Vlora Çitaku. Lidhja Demokratike e Kosovës siguron 15 vende, me Lumir Abdixhikun dhe Avdullah Hotin ndër përfaqësuesit kryesorë.
Aleanca për Ardhmërinë e Kosovës ka fituar 6 mandate, ndërsa Lista Serbe ka 10 deputetë. Partia “Për Liri, Drejtësi dhe Mbijetesë” përfaqësohet nga Nenad Rashiq.
Komunitetet e tjera joserbe kanë gjithsej 10 përfaqësues në këtë legjislaturë.
Leave a Reply