Në kuadër të 27-vjetorit të Masakrës së Reçakut, një nga ngjarjet më tragjike të Kosovës, zhvillohen aktivitete përkujtimore të organizuara nga institucionet lokale dhe qendrore, në bashkëpunim me shoqatat e dala nga lufta.
Synimi i këtyre aktiviteteve është ruajtja e kujtesës historike dhe përcjellja e saj te brezat e rinj. Sot, në shkollat e Komunës së Shtimes, ora e parë mësimore do t’i kushtohet 15 Janarit, ndërsa në Bibliotekën e Qytetit, Forumi i Intelektualëve do të organizojë një tryezë shkencore me temën mbi mohimin serb të krimeve dhe gjenocidit.
Të enjten, në shkollat e Kosovës do të mbahet po ashtu ora e parë mësimore kushtuar kësaj ngjarjeje. Aktivitetet përfshijnë homazhe në varrezat e dëshmorëve dhe një akademi përkujtimore në Shtëpinë e Kulturës në Shtime.
Ekspozita “Çmimi William Walker 2026” do të hapet nga Emine Jetishi, ndërsa në Reçak do të zhvillohet finalja e Turneut Memorial në futboll të vogël. Këto ngjarje mbahen nën patronatin e liderëve kryesorë të vendit.
Leave a Reply