Valon Prebreza, i cili pritet të marrë drejtimin e komunës së Fushë-Kosovës, ka shprehur kritika të ashpra ndaj institucioneve komunale për mosreagimin e tyre ndaj emergjencës së krijuar nga reshjet intensive dhe përmbytjet.
Ai ka theksuar se shumë familje po përjetojnë vështirësi të mëdha për shkak të ujit të mbledhur dhe se institucionet nuk po i përgjigjen thirrjeve të qytetarëve për ndihmë. Në një deklaratë publike, Prebreza u shpreh se indiferenca e zyrtarëve lokalë është e papranueshme dhe paralajmëroi për pasojat ligjore që mund të pasojnë.
Ai kërkoi veprim të menjëhershëm për të lehtësuar situatën e rënduar dhe u bëri thirrje familjeve të jenë të kujdesshme në ditët e ardhshme. Gjithashtu, Prebreza i kërkoi operatorëve të kontraktuar nga komuna të ndërhyjnë menjëherë për të ndihmuar banorët e zonave më të prekura.
Përmbytjet kanë shkaktuar shqetësim të madh në disa komuna të Kosovës, me qytetarët që kërkojnë veprim më të shpejtë nga autoritetet lokale dhe qendrore.
Leave a Reply