Pas një përplasjeje të ashpër mes kabinetit të Presidentes Vjosa Osmani dhe gazetarit të njohur gjerman, Michael Martens, janë ndërmarrë veprime për të angazhuar një avokat në Gjermani dhe për të shqyrtuar mundësinë e paditjes së tij.
Kjo situatë filloi kur Martens, në një postim në rrjetin social “X”, ironizoi njohjen e Kosovës nga Bahamas, të cilën Presidentja Osmani e kishte shpallur. Më vonë, Martens kritikoi rëndë Osmanin për organizimin e premierës së një filmi në Prishtinë, duke ngritur pyetje mbi përfaqësimin e interesave të shtetit.
Këshilltari i Osmanit, Rinor Nuhiu, reagoi ashpër, duke i kërkuar gazetarit të ndiente turp për fjalët e tij. Martens u kundërpërgjigj duke cituar një gazetar kosovar që kritikonte presidenten për përpjekjet e saj për t’u afruar me familjen Trump.
Edhe gazetari boshnjak, Jasmin Mujanovic, kërkoi një reagim nga “FAZ”, por Martens mbeti i palëkundur në qëndrimet e tij. Në një artikull të publikuar në “Frankfurter Allgemeine Zeitung”, Martens aludoi se Osmani kërkon mbështetjen e familjes Trump për rizgjedhjen e saj.
Pas këtyre zhvillimeve, Osmani po shqyrton veprime ligjore ndaj gazetarit gjerman.
Leave a Reply