Një incident i dhunshëm ka ndodhur në veriun e Mitrovicës pas një zënke në trafik.
Një person dyshohet se ka sulmuar fizikisht një baba dhe djalin e tij. Lajmi është konfirmuar nga Erduan Baliqi, shefi i planifikimit në Operativën Rajonale Mitrovicë Veri të Policisë së Kosovës.
Baliqi bëri të ditur se personi i dyshuar është arrestuar, ndërsa dy viktimat janë dërguar për trajtim mjekësor. Të tre personat e përfshirë në këtë ngjarje kanë kërkuar ndihmë mjekësore pas incidentit.
Policia është në fazën e hetimeve për të kuptuar më mirë rrethanat që çuan në këtë incident të pakëndshëm. Nuk ka raportime të tjera për arrestime të mundshme deri në këtë moment.
Leave a Reply