Një incident ka ndodhur në Ferizaj, ku një person u arrestua të premten pasdite nën dyshimin për sulm ndaj policisë gjatë detyrës.
Sipas njoftimit, rreth orës 15:40, një punonjës policie në hyrje të stacionit ka vërejtur një makinë me targa të huaja të parkuar keq dhe shoferi nuk po ndiqte udhëzimet për t’u larguar. Për të ofruar ndihmë kanë ardhur edhe oficerë të tjerë të policisë, por i dyshuari A.N., 35 vjeç, ka përdorur gjuhë ofenduese dhe kërcënuese ndaj tyre.
Gjatë ndërhyrjes, ai ka treguar sjellje të dhunshme, duke i detyruar policët të përdorin sprej mbrojtës për ta arrestuar. Në këtë përplasje, tre policë dhe i dyshuari kanë marrë lëndime të lehta.
Rasti është marrë në shqyrtim nga Njësia e Hetimeve Rajonale dhe i dyshuari është vendosur në mbajtje për 48 orë. Policia apelon për respektim të urdhrave zyrtarë për të siguruar rendin publik.
Leave a Reply