Astrit Isufi, një emër i njohur për autoritetet e rendit dhe drejtësisë në Kosovë, është i dyshuar për një krim të rëndë në Malishevë ku humbën jetën dy persona.
Prokuroria Themelore në Prishtinë kishte ngritur më parë aktakuzë ndaj tij për dhunë në familje dhe kanosje, ndërsa ishte mbajtur në paraburgim, sipas zëdhënëses Kaltrina Shala. Edhe pse masa e paraburgimit ndaj tij ishte caktuar më 6 prill 2025, ende nuk është e qartë se kur kjo masë është ndërprerë.
Sipas hetimeve, Isufi kishte shkuar në shtëpinë e gruas së tij dhe pas një konflikti verbal ishte larguar, por më pas u kthye dhe qëlloi me armë zjarri ndaj dy vëllezërve të saj, Naim dhe Driton Morina. Viktimat kishin ardhur nga jashtë vendit për të marrë pjesë në të pamen e babait të tyre.
Prokuroria Themelore në Gjakovë ka theksuar se të gjitha njësitë e nevojshme janë duke punuar në vendin e ngjarjes për të mbledhur prova lidhur me këtë rast tragjik.
Leave a Reply