Pesë persona janë arrestuar nga Policia e Prishtinës në Rrugën e Gjilanit, pas një incidenti të dyshuar me armë zjarri.
Gjatë operacionit, forcat policore kanë kapur dy armë zjarri. Zyrtarët nga Stacioni Jugu dhe Sektori i Hetimeve të Kryeqytetit kanë ndërhyrë shpejt në vendngjarje, duke arrestuar fillimisht katër të dyshuar dhe duke sekuestruar armët e përdorura.
Pas hetimeve të mëtejme, është identifikuar dhe arrestuar edhe i dyshuari i pestë, nga i cili është konfiskuar një armë tjetër. Të arrestuarit janë marrë në pyetje dhe, pas konsultimit me Prokurorin e Shtetit, janë vendosur në mbajtje për 48 orë.
Ata akuzohen për veprat penale që përfshijnë përdorimin e armës apo mjetit të rrezikshëm, posedimin e paautorizuar të armëve dhe narkotikëve.
Leave a Reply