Pesë të ndaluar në Kosovë për tentativë vjedhjeje në argjendari

Pesë individë u arrestuan nga Policia e Kosovës në orët e para të mëngjesit të së shtunës, pasi dyshoheshin për tentim vjedhjeje në Kaçanik.

Rreth orës 01:40 të 1 shkurtit 2026, autoritetet morën informacione për dy persona që po përpiqeshin të thyenin një artari në rrugën “Ismail Raka”. Njësitë policore ndërhynë menjëherë, duke arrestuar dy shtetas serbë, M.M.

(36 vjeç) dhe D.T. (35 vjeç), të kapur në flagrancë duke kryer veprën penale.

Një patrullë tjetër ndaloi një veturë me targa vendore ku ndodheshin tre kosovarë, L.M. (48 vjeç), B.H.

(42 vjeç) dhe R.F. (28 vjeç).

Këta persona u shoqëruan në komisariat për procedura të mëtejme. Njësia e Hetimeve inspektoi vendin dhe konfiskoi mjete të dyshuara për vjedhje, duke përfshirë pajisje metalike dhe mjete të tjera.

Të dyshuarit u intervistuan në prani të avokatëve dhe përkthyesve, ku dy prej tyre pranuan përfshirjen në krim. Me urdhër të Prokurorit të Shtetit, të pestë janë vendosur në mbajtje për 48 orë, ndërsa hetimet po vazhdojnë.

Policia e Ferizajt theksoi përkushtimin në luftën kundër krimit dhe inkurajoi qytetarët të raportojnë çdo veprim të dyshimtë.