Në një hap të rëndësishëm për bashkëpunimin sindikal ndërkombëtar, Sindikata e Policisë së Kosovës (SPK) dhe Sindikata e Policisë së Lituanisë (LPPS) kanë nënshkruar një marrëveshje bashkëpunimi.
Kjo marrëveshje, e firmosur nga Kryetari i SPK, Avdi Hoti, dhe Presidentja e LPPS, Roma Katinienė, synon të forcojë solidaritetin dhe zhvillimin profesional të policëve në të dy vendet. Ndër objektivat kryesore të këtij partneriteti janë shkëmbimi i përvojave dhe praktikave më të mira në mbrojtjen e të drejtave të punonjësve të policisë, si dhe zhvillimi i projekteve të përbashkëta në fusha të ndryshme, përfshirë arsimin, kulturën dhe sportin.
Kjo do të arrihet përmes takimeve, trajnimeve dhe vizitave studimore të ndërsjella. Delegacionet nga të dy sindikatat zhvilluan takime zyrtare në Pejë dhe vizituan institucione kulturore, duke diskutuar projekte për përmirësimin e mirëqenies së oficerëve.
Kjo marrëveshje është një dëshmi e qartë e rëndësisë së solidaritetit ndërkombëtar në mbrojtjen e të drejtave dhe dinjitetit të anëtarëve të sindikatave.
Leave a Reply