Policia e Kosovës ka apeluar për kujdes më të madh gjatë drejtimit të automjeteve, duke iu referuar parashikimeve të motit që tregojnë reshje shiu dhe dëbore, të cilat mund të ndikojnë në gjendjen e rrugëve.
Shoferët janë këshilluar të rregullojnë shpejtësinë e tyre sipas kushteve të rrugës dhe të mbajnë distancë të mjaftueshme sigurie mes automjeteve. Në situata ku rrugët janë të lagura apo të mbuluara me dëborë dhe akull, ngadalësimi i lëvizjes është thelbësor për të shmangur aksidentet.
Po ashtu, përdorimi i gomave dhe pajisjeve dimërore është i domosdoshëm për të siguruar kontrollin në rrugë. Policia thekson se siguria në trafik mbetet një përparësi kryesore dhe kujdesi i shtuar nga secili drejtues automjeti është kyç për të ruajtur jetën dhe për të reduktuar rrezikun e aksidenteve.
Leave a Reply