Policia e Kosovës ka paralajmëruar publikun për shpërndarjen e e-maileve të rreme që po qarkullojnë në vend, të cilat pretendojnë se janë lëshuar nga zyrtarë të lartë të këtij institucioni dhe organizatave të tjera vendore e ndërkombëtare.
Titulluar “Thirrje Gjyqësore”, këto e-maile përfshijnë numra dosjesh kinse zyrtare dhe përmendin institucione si Agjencia e Sigurisë Kibernetike e Kosovës, FBI dhe INTERPOL-i. Në një njoftim zyrtar nga Prishtina, datë 28 nëntor 2025, Policia e Kosovës thekson se këto dokumente janë falsifikime dhe nuk janë prodhuar nga stafi i saj.
Institucioni po bashkëpunon me organet e drejtësisë për të hetuar dhe identifikuar autorët e këtyre mashtrimeve. Policia u bën thirrje qytetarëve që të mos bien pre e këtyre mashtrimeve dhe të raportojnë çdo e-mail të dyshimtë në adresën zyrtare të PK-së për trajtim të mëtejshëm.
Hetimet janë në vijim për të parandaluar përhapjen e mëtejshme të këtyre dezinformatave.
Leave a Reply