Policia në Prishtinë sekuestron 116 patenta shoferësh në dy javë

Nga data 3 deri më 16 nëntor 2025, policia e Prishtinës ka zbatuar një plan për të përmirësuar sigurinë rrugore dhe për të parandaluar aksidentet.

Gjatë kësaj periudhe, janë regjistruar 1851 gjoba për shkelje të ndryshme, duke përfshirë 235 gjoba për përdorimin e telefonit gjatë drejtimit të automjetit dhe 31 gjoba për mosrespektim të semaforit. Gjithashtu, janë sekuestruar 116 patentë shoferësh për shkelje të rregullave të trafikut.

Policia e Kryeqytetit thekson rëndësinë e respektimit të rregullave nga të gjithë pjesëmarrësit në trafik dhe bën thirrje për kontribut në rritjen e sigurisë së përgjithshme. Aktivitetet për kontrollin e trafikut do të vazhdojnë për të siguruar mbrojtjen e jetës së qytetarëve.

Ky plan veprimi është pjesë e përpjekjeve të vazhdueshme për të siguruar një mjedis më të sigurt në rrugët e Prishtinës.