Policia e Vushtrrisë ka kryer kontrolle në gjashtë shkolla të komunës, si pjesë e përpjekjeve për të parandaluar dukuritë negative dhe për të rritur sigurinë.
Gjatë këtyre veprimeve, të cilat u zhvilluan në përputhje me urdhërin e gjykatës, janë zbuluar dhe konfiskuar mjete të palejuara. Konkretisht, u gjetën një boks hekuri dhe tri thika në katër incidente të veçanta me nxënës.
Policia ka ndërmarrë masat e nevojshme në bashkëpunim me institucionet përkatëse për çdo rast të evidentuar. Në njoftimin e saj, policia thekson se do të vazhdojnë aktivitetet parandaluese për të siguruar një mjedis të qetë dhe të sigurt në shkolla, duke ruajtur rendin dhe qetësinë publike.
Ky angazhim nënvizon përkushtimin për të mbrojtur nxënësit dhe stafin nga rreziqet e mundshme.
Leave a Reply