Policia e Kosovës ka bërë të ditur se disa email-e të shpërndara në emër të këtij institucioni janë të falsifikuara.
Sipas deklaratës zyrtare, këto dokumente që pretendojnë të jenë “Ftesë/Arrestim i menjëhershëm” nuk janë lëshuar nga Policia e Kosovës dhe kërkojnë që marrësit të paraqiten brenda 24 orësh në polici. Në mënyrë të ngjashme, Policia e Shtetit në Shqipëri ka paralajmëruar për mesazhe elektronike të rreme me përmbajtje kërcënuese, të cilat pretendojnë se marrësit janë nën hetim për krime kibernetike ose vepra penale të lidhura me narkotikët.
Këto email-e kërkojnë paraqitjen e menjëhershme në stacionet policore. Autoritetet kanë zbuluar se adresa elektronike të rreme janë krijuar duke përdorur emrin dhe kredencialet e Drejtorit të Përgjithshëm të Policisë së Shtetit.
Policia thekson se qytetarët nuk duhet të përgjigjen ose të shpërndajnë këto mesazhe, pasi ato kanë për qëllim mashtrimin dhe përhapjen e frikës. Rastet janë nën hetim nga Drejtoria e Hetimit të Krimeve Kibernetike për të identifikuar autorët.
Leave a Reply