Karl-Heinz Paqué, Presidenti i Liberal International dhe Kryetar i Bordit të Friedrich Naumann Foundation for Freedom, ka bërë një deklaratë publike për të mbështetur Partinë Demokratike të Kosovës dhe kandidatin e saj për kryeministër, Bedri Hamzën.
Në videomesazhin e tij, Paqué ka theksuar se Kosova është në një fazë kritike, duke vuajtur nga mungesa e një qeverie funksionale për gati një vit. Kjo situatë ka sjellë pasoja të rënda financiare dhe politike, duke përfshirë humbjen e miliona eurove nga fondet e Bashkimit Evropian.
Sipas Paqué, progresi i Kosovës mund të arrihet vetëm përmes ndërtimit të lidhjeve të fuqishme dhe të qëndrueshme me vendet evropiane. Ai e vlerësoi PDK-në si një parti e cila është e angazhuar për integrimin evropian të vendit, bazuar në përvojat e tij personale me këtë parti.
Paqué përfundoi mesazhin e tij duke shprehur mbështetjen për PDK-në dhe Bedri Hamzën, duke uruar për një të ardhme më të mirë për Kosovën dhe suksese në rrugën drejt stabilitetit dhe integrimit.
Leave a Reply