Presidentja e Kosovës, Vjosa Osmani, njoftoi se ka zhvilluar një takim me zëvendëssekretarin amerikan të Shtetit, Christopher Landau, ku u diskutua për rifillimin e dialogut strategjik mes dy vendeve.
Në një video të postuar në rrjetet sociale, Osmani theksoi se bisedimet përfshinë edhe tema të tjera si bashkëpunimi dypalësh, çështjet e sigurisë, paqes, ekonomisë dhe integrimit euroatlantik të Kosovës. Gjatë takimit, Osmani theksoi rëndësinë e koordinimit të vazhdueshëm me SHBA-në, aleatin kryesor strategjik të Kosovës, për të avancuar dialogun strategjik.
Po ashtu, presidentja nënvizoi mbështetjen e SHBA-ve për anëtarësimin e Kosovës në NATO dhe për nxitjen e investimeve strategjike në sektorin ekonomik. Ndër të tjera, Osmani përmendi nënshkrimin e një ligji nga presidenti amerikan Donald Trump, i cili përfshin mbështetjen për sovranitetin e Kosovës, duke përjashtuar ndryshimet e kufijve, dhe theksoi se dialogu me Serbinë duhet të bazohet në njohje reciproke.
Këto ishin disa nga çështjet kyçe të diskutuara gjatë takimit me zëvendëssekretarin amerikan.
Leave a Reply