Presidentja e Kosovës, Vjosa Osmani, nuk mori pjesë në darkën me liderët botërorë dhe në Forumin e Paqes në Paris, megjithëse ishte ftuar nga presidenti francez, Emmanuel Macron.
Arsyeja e mungesës së saj ishte njohja historike e pavarësisë së Kosovës nga Siria. Bekim Kupina, këshilltari për media i presidentes Osmani, konfirmoi për Klankosova.tv se njohja nga Siria ishte një ngjarje e rëndësishme që kërkonte praninë e saj në një takim trilateral me Princin e Kurorës dhe Kryeministrin e Arabisë Saudite, si dhe me Presidentin e Sirisë.
Ai shtoi se Presidentja Osmani dhe Zotëria i Parë janë mirënjohës ndaj Presidentit Macron dhe Zonjës së Parë Brigite Macron për ftesën dhe mbështetjen e tyre të vazhdueshme. Njohja nga Siria shënon një arritje të madhe për Kosovën, duke e bërë atë shtetin e 120-të që njeh pavarësinë e saj, një lajm që u mirëprit me entuziazëm në vend.
Leave a Reply