Tre fëmijë nga Ferizaj, të cilët gjetën dhe dorëzuan një portofol me para dhe dokumente në polici, u pritën sot nga presidentja e Kosovës, Vjosa Osmani, në Ditën Botërore të Fëmijëve.
Presidentja Osmani vlerësoi veprimin e Diar, Anik dhe Rajana Terziu, duke theksuar ndershmërinë e tyre të jashtëzakonshme. Ajo u shpreh se këta fëmijë treguan vlera të larta morale përmes aktit të tyre të përgjegjësisë qytetare.
Gjatë takimit, presidentja ndau mirënjohje për këta fëmijë, duke i cilësuar ata si shembuj frymëzues për bashkëmoshatarët e tyre në mbarë vendin. Ky veprim i tyre shërben si model për të gjithë fëmijët, duke nënvizuar rëndësinë e ndershmërisë në shoqëri.
Leave a Reply