Presidentja e Kosovës, Vjosa Osmani, zhvilloi një vizitë të rëndësishme në Gjilan, ku u takua me kryetarin Alban Hyseni.
Ajo vlerësoi projektet që po kontribuojnë në një zhvillim të qëndrueshëm të qytetit dhe e uroi Hysenin për mandatin e tij të dytë. Presidentja shprehu mbështetje për iniciativat që sjellin mundësi të reja për qytetarët.
Në kuadër të vizitës, Osmani ndaloi në Shkollën e Muzikës dhe Arteve Pamore, ku mori pjesë në një performancë të korit të grave “Muza”. Më pas, ajo vizitoi kopshtin IP “Integj”, ku kaloi momente të këndshme me fëmijët.
Më tej, Presidentja vlerësoi punën e kompanisë InterPLAST TROCAL, duke e cilësuar si lider rajonal në inovacion dhe zhvillim ekonomik. Vizita përfshiu edhe takime me klubin e futbollit “Drita”, ku ajo përgëzoi ekipin për sukseset e tyre në gara vendase dhe evropiane.
Në përfundim, Osmani falënderoi qytetarët e Gjilanit për mikpritjen e tyre të ngrohtë.
Leave a Reply