Princi i Kurorës së Arabisë Saudite, Mohammed Bin Salman, po shqyrton mundësinë e blerjes së një pjese të klubit të njohur të futbollit, Barcelona, një lajm që ka tërhequr vëmendjen e mediave në Spanjë dhe Lindjen e Mesme.
Sipas Francois Gallardo në emisionin “El Chiringuito”, princi saudit është i gatshëm të ofrojë 10 miliardë euro për të marrë kontrollin e klubit katalanas. Kjo lëvizje përputhet me strategjinë e Arabisë Saudite për të rritur ndikimin e saj në sport përmes investimeve dhe Fondit të Investimeve Publike.
Situata financiare e Barcelonës, me një borxh prej mbi 2.5 miliardë eurosh, mund të jetë një mundësi për princin saudit për të realizuar këtë plan ambicioz. Megjithatë, një transaksion i tillë përballet me sfida të mëdha.
Barcelona është pronë e anëtarëve të saj, duke e bërë të vështirë për një entitet të jashtëm të fitojë kontrollin. Ky aspekt i pronësisë kolektive e bën të pasigurt realizimin e ofertës së propozuar nga princi saudit.
Leave a Reply