Në përvjetorin e nëntë të humbjes së djalit, Xhemile dhe Avni Dehari kërkojnë drejtësi për Astrit Deharin.
Pas homazheve te varri i djalit të tyre, ku morën pjesë edhe kryeministri në detyrë Albin Kurti dhe kryeparlamentari Dimal Basha, ata kritikuan sistemin e drejtësisë për moszbardhjen e rastit. Xhemile Dehari iu përgjigj kritikëve që pyesin përse Vetëvendosje nuk ka bërë asgjë për këtë çështje, duke theksuar se Prokuroria nuk ka lidhje me Vetëvendosjen.
Ajo vuri në dukje se Astriti, si anëtar i Vetëvendosjes, u burgos për çështje politike dhe u vra në burgun e Prizrenit. Sipas saj, është koha që prokurorët të shprehin të vërtetën.
Nga ana tjetër, Avni Dehari, babai i Astritit, shprehu dyshime për funksionimin e drejtësisë, duke sugjeruar se kjo ndoshta bëhet me qëllim për të mos zbardhur vdekjen e djalit. Ai kërkoi që drejtësia të veprojë për të sjellë zgjidhje dhe për të shmangur njollat në sistemin e drejtësisë në Kosovë.
Leave a Reply