Prishtina anulon mësimin për shkak të rrezikut të përmbytjeve

Samir Shahini, drejtori i Arsimit në Komunën e Prishtinës, ka njoftuar anulimin e mësimit për sot për shkak të rrezikut nga vërshimet.

Ky vendim është marrë në bashkëpunim me kryetarin Përparim Rama dhe Drejtorinë e Sigurisë dhe Emergjencave, si dhe Drejtorinë e Shërbimeve Publike. Në një komunikatë zyrtare, qytetarët, institucionet edukativo-arsimore dhe prindërit janë informuar për pezullimin e mësimit për shkak të kushteve atmosferike të përkeqësuara dhe reshjeve të dendura të shiut.

Kjo situatë ka shkaktuar vështirësi në qarkullim, duke bërë të nevojshme ndërprerjen e përkohshme të procesit mësimor. Vendimi është marrë pas një koordinimi të ngushtë me drejtorët përkatës të shkollave, për të garantuar sigurinë e të gjithë pjesëmarrësve në sistemin arsimor.