Procesi i rinumërimit të votave për zgjedhjet e 28 dhjetorit është në fazën përfundimtare, me 73.80 për qind të vendvotimeve të rinumëruara deri tani.
Deri tani, janë përfunduar rinumërimet në 25 komuna nga totali prej 2,557 vendvotimesh. Komisioni Qendror i Zgjedhjeve (KQZ) synon të përmbyllë këtë proces brenda muajit, me qëllim që rezultatet përfundimtare të shpallen në fillim të shkurtit.
Rinumërimi i të gjitha vendvotimeve në nivel kombëtar u vendos pas evidencimit të manipulimeve me votat e kandidatëve. Në lidhje me këto dyshime, Prokuroria Themelore në Prizren ka arrestuar 109 persona, nga të cilët 23 janë vendosur në paraburgim.
Prokuroria e Shtetit po mbledh informacione dhe prova nga të gjitha Prokuroritë Themelore për të verifikuar elementet e veprës penale të falsifikimit të rezultateve, e cila ndëshkohet sipas Kodit Penal të Kosovës. Fillimisht, KQZ kishte planifikuar shpalljen e rezultateve përfundimtare më 19 janar, por problemet e shfaqura me manipulimet vonuan këtë proces.
Leave a Reply