Në Qendrën e Numërimit dhe Rezultateve, procesi i rinumërimit të votave nga zgjedhjet e 28 dhjetorit po vazhdon me intensitet në të gjithë Kosovën, si rezultat i vendimit të Komisionit Qendror të Zgjedhjeve (KQZ).
Deri tani, janë rinumëruar 832 vendvotime, duke përfaqësuar 32,54% të votave totale. Një javë më parë, KQZ vendosi të rinumërojë të gjithë vendvotimet në Komunën e Prizrenit pas zbulimit të një devijimi prej 714 votash në dy kuti verifikimi.
Rinumërimi në Prizren zbuloi se 45,709 vota ishin shtuar apo hequr gjatë numërimit fillestar, me PDK-në që përjetoi devijime të mëdha. Kandidati i kësaj partie, Fetah Paçarizi, humbi mbi 6,000 vota.
Për këtë arsye, KQZ vendosi të rinumërojë vendvotimet në 28 komuna të tjera, përfshirë Prishtinën, Pejën dhe Gjilanin. Në disa komuna, si Podujeva, janë zbuluar vjedhje votash brenda subjekteve politike, përfshirë Lëvizjen Vetëvendosje.
Ky vendim erdhi pas raportit që tregoi pasaktësi të mëdha në numërimin e votave për kandidatët, megjithëse ndryshimet në votat e subjekteve politike ishin të papërfillshme.
Leave a Reply