Profesori mitrovicas, Miftar Kurti, ka shprehur mbështetjen për Arian Tahirin, duke theksuar se është koha e tij dhe e brezit të ri, raporton Veriu.info.
Kurti, përmes një postimi në Facebook, ka vlerësuar qëndrimin e palëkundur të Tahirit përballë fyerjeve dhe akuzave që i janë adresuar për kandidimin e tij si kryetar i Komunës së Mitrovicës. Sipas tij, aftësia e Tahirit për të bashkuar njerëzit që kërkojnë një të ardhme më të mirë për Mitrovicën dhe Kosovën është e dukshme.
Arian Tahiri, gjatë fushatës së tij, ka treguar guxim dhe vizion, duke u bërë një figurë e rëndësishme në bisedat publike dhe mediatike, jo vetëm në Kosovë por edhe në diasporë. Pavarësisht sulmeve të koordinuara kundër tij, ai ka mbajtur një qëndrim stoik dhe ka fituar respektin e shumë qytetarëve.
Në përfundim, Kurti e cilëson Tahirin si një nga fituesit më të mëdhenj të zgjedhjeve lokale në Kosovë, duke e kthyer Mitrovicën në qendër të vëmendjes politike dhe mediatike, dhe duke hapur një kapitull të ri për qytetin.
Leave a Reply