Prokuroria Speciale dhe përfaqësuesi i viktimave kanë kërkuar që Muhamet Alidemaj të shpallet fajtor për “Krime Lufte kundër popullsisë civile” në rigjykimin e tij.
Prokurori Ilir Morina theksoi se Alidemaj mori pjesë në masakrën e Izbicës më 28 mars 1999, ku 130 civilë shqiptarë u vranë dhe shumë familje u dëbuan. Morina përmendi se i akuzuari ishte një banor lokal dhe bashkëpunoi me forcat serbe në krime të tilla si vrasje dhe dëbime masive.
Gjykata Themelore në Prishtinë më parë e kishte shpallur Alidemajn fajtor, duke e dënuar me 15 vjet burgim, por Apeli e ktheu çështjen për rigjykim. Mbrojtësit e Alidemajt, avokatët Millosh Deleviq dhe Dejan Vasiq, kërkuan lirimin e tij, duke deklaruar se ai është i pafajshëm.
Veton Rudaku, përfaqësues i viktimave, mbështeti kërkesën e prokurorisë për dënimin e Alidemajt, duke theksuar se dëshmitarët e kishin identifikuar të pranishëm në fshat gjatë krimeve. Në seancën e rigjykimit, Alidemaj përsëri u deklarua i pafajshëm, qëndrim të cilin e kishte mbajtur edhe në gjykimin fillestar.
Leave a Reply