Protestat në Iran nuk kanë ndalur as gjatë fundjavës, me qytetarë që vazhdojnë të dalin në rrugë duke kërkuar ndryshime të mëdha në vend.
Mjekët raportojnë mbi 200 viktima, ndërsa qindra njerëz janë arrestuar nga forcat e sigurisë, të cilat po veprojnë me dhunë ndaj protestave. Ndërprerja e internetit dhe linjave telefonike e ka bërë të vështirë vlerësimin e situatës nga jashtë vendit.
Ndërkohë, numri i të arrestuarve ka arritur në 2600 persona. Autoritetet vendase kanë reaguar ndaj komenteve të presidentit amerikan, Donald Trump, i cili kërcënoi me ndërhyrje nëse forcat e sigurisë sulmojnë protestuesit.
Kryetari i parlamentit të Iranit deklaroi se çdo sulm ndaj Iranit do të bënte që objektivat e tyre legjitime të jenë baza dhe anijet ushtarake amerikane në rajon. Ndërsa prokurori i përgjithshëm paralajmëroi me dënim me vdekje për pjesëmarrësit në protesta, të cilët konsiderohen “armik i Zotit”.
Raportime nga mediat amerikane sugjerojnë se Trump ka marrë opsione ushtarake për sulm ndaj Iranit, por ende nuk ka një vendim final.
Leave a Reply