Sot në Tiranë janë mbledhur qindra qytetarë nga Kosova, diaspora shqiptare në Evropë dhe SHBA për të marrë pjesë në një protestë në mbështetje të ish-krerëve të Ushtrisë Çlirimtare të Kosovës (UÇK).
Protesta, e cila do të zhvillohet në sheshin “Skënderbej” në orën 17:00, synon të kundërshtojë proceset gjyqësore në Hagë të cilat pjesëmarrësit i konsiderojnë të padrejta dhe të motivuara politikisht. Një qytetar nga Gjilani theksoi se shqiptarët mbështesin fuqimisht ish-krerët e UÇK-së, duke akuzuar Evropën për padrejtësi historike ndaj shqiptarëve, ndërsa shprehu zhgënjim për mungesën e reagimit nga politikat në Kosovë dhe Shqipëri.
Protestuesit nga Zvicra dhe Nju Jorku, të cilët kishin ardhur për të qenë pjesë e kësaj ngjarje, deklaruan se gjykatat në Hagë janë politike dhe mbajtja e ish-krerëve është e pabazuar. Ata kërkojnë drejtësi dhe liri për të burgosurit, duke theksuar unitetin e kombit shqiptar.
Protesta është konsideruar si një mesazh presioni ndaj Evropës për të liruar ish-krerët e UÇK-së.
Leave a Reply