Prokuroria Speciale e Republikës së Kosovës është duke shqyrtuar një kallëzim penal të paraqitur nga familja Sadiku kundër gjyqtares Edita Çanta, për akuzat e “Keqpërdorimit të pozitës apo autoritetit zyrtar” lidhur me një pronë në Veternik.
Kjo çështje, e filluar në Prokurorinë Themelore të Prizrenit, tashmë është transferuar tek Prokuroria Speciale, e cila merret me hetimin e zyrtarëve të drejtësisë. Gjyqtarja Çanta, më 11 shtator 2025, kishte vendosur ndalimin e përkohshëm të një prone prej 3 hektarësh, ndërkohë që Apeli kishte kthyer çështjen për shqyrtim disa herë.
Familja Sadiku pretendon se gjyqtarja ka penguar ekzekutimin e këtij vendimi, duke udhëzuar Policinë që të mos e zbatojë urdhrin. Kryetarja e Gjykatës Themelore, Albina Shabani-Rama, ka përjashtuar gjyqtaren Çanta nga kjo çështje pas kallëzimit penal të familjes Sadiku.
Ndërkohë, hetimet kanë zgjeruar përfshirjen e disa individëve të tjerë, ndërsa është ngrirë një sipërfaqe shtesë toke që dyshohet se është përfituar në mënyrë të paligjshme.
Leave a Reply