Kompania ndërtimore “Bytyqi Ing Sh.p.k” është përballur me akuza serioze pas vdekjes së një punëtori 34-vjeçar në Prizren.
Dokumentet e siguruara nga Gazeta Insajderi zbulojnë se kompania, e drejtuar nga Naser Bytyqi, kishte operuar në shkelje të rregullave të sigurisë në punë për një kohë të gjatë. Pavarësisht gjobave dhe urdhrit për të ndaluar punimet, kompania vazhdoi aktivitetin e saj pa ndërprerje.
Inspektorati i Punës kishte lëshuar disa herë gjoba për mungesën e masave mbrojtëse dhe kishte urdhëruar ndalimin e punimeve deri në përmirësimin e kushteve. Megjithatë, urdhrat nuk u respektuan.
Ngjarja tragjike ndodhi më 29 tetor 2025, kur punëtori Faik Mehmetaj ra nga skelet i një ndërtese, duke pësuar lëndime fatale. Hetimet zbuluan se mungonin masat e sigurisë, si skelat e sigurta dhe pajisjet mbrojtëse.
Pas kësaj tragjedie, Gjykata Themelore e Prizrenit vendosi paraburgim 30-ditor për Naser Bytyqin për shkelje të sigurisë në punë, sipas nenit 358 të Kodit Penal të Kosovës.
Leave a Reply