Një punëtor që ra nga kati i gjashtë i një ndërtese në Gjilan më 25 tetor, ka ndërruar jetë të premten në QKUK.
Pas këtij incidenti, autoritetet urdhëruan kryerjen e një autopsie për të përcaktuar shkaqet e vdekjes. Në lidhje me këtë rast, dy persona fillimisht u ndaluan për 48 orë nën dyshime për “asgjësimin, dëmtimin ose heqjen e pajisjeve mbrojtëse” dhe “rrezikimin e sigurisë në vendin e punës”.
Megjithatë, Gjykata e Gjilanit refuzoi kërkesën për paraburgim dhe vendosi arrest shtëpiak. Më 27 tetor, një i tretë person u arrestua dhe gjykata i caktoi po ashtu masën e arrestit shtëpiak.
Prokuroria Themelore ka paraqitur ankesë kundër këtyre vendimeve. Ngjarja e rëndë në Gjilan ndjek një tjetër incident tragjik në Prizren, ku një punëtor tjetër humbi jetën pasi ra nga skeleti i një ndërtese.
Leave a Reply