Presidenti rus Vladimir Putin ka pohuar se Rusia synon të marrë kontrollin e Donbasit në Ukrainë, duke theksuar se do të përdoren mjete ushtarake ose të tjera për arritjen e këtij qëllimi.
Deklarata e tij vjen ndërsa zyrtarët ukrainas pritet të zhvillojnë bisedime të reja paqeje me Shtetet e Bashkuara. Putin mbërriti në Nju Delhi për një takim me kryeministrin indian Narendra Modi, vetëm disa ditë pas një takimi me një delegacion amerikan në Kremlin.
Në një intervistë për India Today, ai theksoi se Rusia është e vendosur të çlirojë Donbasin dhe Novorosinë, duke nënvizuar se suksesi do të arrihet kur të realizohen objektivat e nisura në fillim të operacionit ushtarak. Nga ana tjetër, presidenti amerikan Donald Trump vlerësoi takimin e delegacionit të tij me Putinin si mjaft pozitiv, megjithëse pa përparim të dukshëm.
Detaje të bisedimeve mbeten të kufizuara, por çështja territoriale ka qenë në qendër të diskutimeve. Ndërkohë, zyrtarët ukrainas janë në udhëtim drejt SHBA-së për të diskutuar një plan të ri për paqe.
Këto bisedime vijnë pas një seance të mëparshme që u cilësua si shumë e dobishme nga sekretari amerikan i shtetit.
Leave a Reply