Dy anëtarë të Lëvizjes Vetëvendosje votuan kundër shpalljes së rezultateve për Listën Srpska, ndërsa përfaqësuesit e tjerë shqiptarë abstenuan, gjë që shkaktoi kritika nga ndërkombëtarët.
Paneli Zgjedhor për Ankesa dhe Parashtresa (PZAP) deklaroi se ankesa e Listës Srpska është e justifikuar dhe e bazuar. PZAP analizoi dokumentet e çështjes dhe arsyetimin e KQZ-së, duke konstatuar se vendimi i datës 31 janar 2026 nuk ishte në përputhje me ligjet zgjedhore të Kosovës, veçanërisht me nenet përkatëse të Ligjit për Zgjedhjet e Përgjithshme.
Sipas PZAP, të gjitha procedurat e numërimit dhe rinumërimit tashmë janë përfunduar dhe rezultatet përfundimtare duhet të shpallen pa përjashtim për të gjitha subjektet zgjedhore. PZAP theksoi se vendimi i KQZ-së është i pajustifikuar dhe në kundërshtim me legjislacionin në fuqi, duke kërkuar që rezultatet të publikohen menjëherë për të gjitha palët e përfshira në zgjedhje.
Leave a Reply