Procesi i numërimit të votave në Qendrën Komunale të Numërimit në Mitrovicë është pezulluar përkohësisht pas një urdhri nga Prokuroria Themelore e Mitrovicës.
Ky vendim u mor për të pritur një sqarim zyrtar nga operatori ekonomik përgjegjës për shtypjen e fletëvotimeve, për të verifikuar nëse kemi të bëjmë me një gabim teknik apo një manipulim të qëllimshëm. Dyert e Qendrës Komunale të Numërimit u gjetën të mbyllura, dhe asnjë zyrtar nuk foli për situatën.
Ndërkohë, 80 kuti votimi presin të rinumërohen. Komisioni Qendror i Zgjedhjeve deklaroi se problemi me fletëvotimet është rezultat i një gabimi teknik në shtypjen e elementeve të fletëvotimit, veçanërisht në kodin e vendvotimit.
Në zgjedhjet e balotazhit të dielën, sipas rezultateve paraprake, kandidati i Lëvizjes Vetëvendosje, Faton Peci, fitoi ndaj kandidatit të Partisë Demokratike të Kosovës, Arian Tahiri.
Leave a Reply