Në Qendrën e Numërimit në Shkollën Fillore “Faik Konica” në raundin e dytë të zgjedhjeve lokale kanë votuar 1,338 qytetarë nga 5,641 të regjistruar, raporton Ekonomia Online.
Këto zgjedhje janë vlerësuar të rëndësishme për të ardhmen e kryeqytetit për katër vitet e ardhshme. Qytetarja Fetnete Uka-Elezi shprehu shpresën që zgjedhjet do të sjellin një udhëheqës të kualifikuar për kryeqytetin.
Ajo theksoi rëndësinë e pjesëmarrjes në zgjedhje, duke i quajtur ato të lira dhe të nevojshme. Nga ana tjetër, qytetarja Shqipe Muqolli shprehu pak shpresë për ndryshim, duke theksuar se pavarësisht zhgënjimeve të mëparshme, e kreu detyrën e saj qytetare.
Fetah Rama nënvizoi rëndësinë e pjesëmarrjes së çdo qytetari për të vendosur drejtësinë në zgjedhje, duke theksuar se qytetarët kanë mësuar nga gabimet e së kaluarës. Sipas rezultateve paraprake të KQZ-së, Përparim Rama kryeson me 165 vota (34.59%), ndjekur nga Hajrulla Çeku me 140 vota (29.35%).
Procesi i votimit po zhvillohet në mënyrë të qetë dhe korrekte.
Leave a Reply