Kryetari i Komunës së Prishtinës, Përparim Rama, i është bashkuar punëtorëve të “Trafikut Urban” dhe operatorëve privatë, ku ka theksuar se zgjidhja për krizën aktuale ekziston, por Ministria e Financave po mban pa të drejtë 35 milionë euro të destinuara për kryeqytetin.
Rama ka bërë thirrje ndaj kryeministrit në detyrë, Albin Kurti, dhe ministrit të Financave, Hekuran Murati, që të lënë mënjanë dallimet politike dhe të bashkëpunojnë për të mirën e qytetarëve. Ai ka kërkuar që fondet të alokohen menjëherë për të paguar operatorët publikë dhe privatë, duke shmangur ndërprerjen e shërbimeve publike.
Rama ka akuzuar ministrin Murati për mbajtje të fondeve në mënyrë të paligjshme dhe ka paralajmëruar masa ligjore kundër tij dhe tre zyrtarëve të tjerë. Ai ka theksuar se kjo situatë po ndikon negativisht në jetën e përditshme të qytetarëve, duke përfshirë mungesën e shërbimeve të rëndësishme si energjia elektrike për shkollat.
Kryetari i Prishtinës ka apeluar për reflektim dhe bashkëpunim për të zgjidhur menjëherë këtë çështje kritike.
Leave a Reply